Robert Lewandowski mun ekki standa uppi sem sigurvegari í baráttunni um Ballon d'Or verðlaunin - sem eru besta leikmanni heims ár hvert - í ár. Verðlaunin verða afhent í vikunni.

Spænski fjölmiðlamaðurinn Josep Pedrerol er búinn að fá fréttir um niðurstöðu kosningarinnar.

Hann segir að Lionel Messi muni fá verðlaunin og að Lewandowski muni enda í þriðja sæti.

Lewandowski er einn besti sóknarmaður í heimi, ef ekki sá besti. Hann hefði eflaust unnið Ballon d'Or gullknöttinn í fyrra ef verðlaunum hefði ekki verið aflýst vegna kórónveirufaraldursins. Það var furðulegt að aflýsa verðlaunum þar sem fótboltinn hélt áfram á endanum.

Pólski sóknarmaðurinn hefur átt stórkostlegt ár núna og skorað í hverjum leiknum á fætur öðrum. Hann verður hins vegar ekki verðlaunaður fyrir það með Ballon d'Or ef marka má Pedrerol.

Hann segir að Messi vinni verðlaunin og að Karim Benzema, sóknarmaður Real Madrid endi í öðru sæti. Lewandowski komi svo í þriðja sæti. Benzema hefur átt gott ár, en tölur hans eru ekki jafngóðar og hjá Lewandowski.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit