Varnarmaðurinn Aron Örn Hákonarson hefur gert nýjan tveggja ára samning við Keflavík en þetta kemur fram í tilkynningu frá knattspyrnudeild félagsins.
Aron, sem er tvítugur, spilaði fyrstu deildarleiki sína með Keflvíkingum á síðasta ári er hann kom inn á gegn Fylki og ÍBV í neðri hluta Bestu deildar.
Í sumar spilaði hann tvo leiki er Keflavík hafnaði í öðru sæti Lengjudeildarinnar, en liðið rétt missti af sæti í Bestu deildina eftir tap gegn Aftureldingu í úrslitum umspilsins.
Hann kom inn á gegn ÍBV um mitt sumar og síðan aftur gegn Fjölni í september.
Varnarmaðurinn efnilegi hefur nú skrifað undir nýjan samning sem gildir út 2026.
Athugasemdir
