Ungstirnið Dane Scarlett er búinn að skrifa undir sinn fyrsta atvinnumannasamning við Tottenham sem gildir næstu tvö árin.
Scarlett er nýbúinn að eiga 17 ára afmæli, en félög á Englandi mega ekki gera atvinnumannasamninga við leikmenn fyrr en þeir verða 17 ára gamlir.
Scarlett hefur komið við sögu í þremur keppnisleikjum með aðalliði Tottenham og lagði meðal annars upp mark í 4-0 sigri á Wolfsberger í Evrópudeildinni í haust.
Jose Mourinho er afar hrifinn af táningnum og telur hann geta gert frábæra hluti í framtíðinni.
Athugasemdir
