Arnór gekk í raðir Norrköping frá CSKA Moskvu á síðasta ári en hann nýtti sér þá úrræði FIFA um að losa sig tímabundið undan samningsins vegna stríðs Rússa og Úkraínu.

Skagamaðurinn fann sig hjá Norrköping og var þeirra besti maður á síðustu leiktíð.

Á þessu tímabili hefur hann komið að tíu mörkum í fjórtán leikjum, skorað níu og lagt upp eitt.

Arnór og Norrköping staðfestu í dag að hann sé á förum frá félaginu þann 30. júní er samningurinn klárast.

FIFA framlengdi úrræði leikmanan um að stöðva samninga til 2024 en Arnór verður að tilkynna CSKA um ákvörðun sína fyrir 1. júlí.

Samningur Arnórs við CSKA rennur út á næsta ári og því spurning hvert næsta skref verður.