Mjólkurbikar kvenna: FH síðasta liðið inn í átta liða úrslitin

FH er síðasta liðið til að tryggja sér sæti í átta liða úrslitum Mjólkurbikars kvenna og er því ljóst að öll liðin sem eftir eru í keppninni koma úr Bestu deildinni.

FH heimsótti FHL í Fjarðabyggðarhöllina í dag.

Hafnfirðingar voru með 1-0 forystu í hálfleik en Margrét Brynja Kristinsdóttir skoraði markið þegar skammt var til loka fyrri hálfleiks.

FH tvöfaldaði forystuna snemma í seinni hálfleik en mörkin urðu ekki fleiri og sigur FH staðreynd.