Chelsea hefur tilkynnt að Mauricio Pochettino verður næsti stjóri liðsins. Hann mun taka við 1. júlí.
Hann skrifar undir tveggja ára samning en félagið hefur möguleika á að framlengja um eitt ár í viðbót.
„Reynsla Mauricio, afburðaviðmið, leiðtogaeiginleikar og karakter munu þjóna Chelsea í framtíðinni. Hann er sigursæll þjálfari sem hefur unnið á hæsta stigi í mörgum deildum. Hugarfarið hans og taktísk nálgun gerði hann að stærsta kandídatanum í starfið," segja Laurence Stewart og Paul Winstanley yfirmenn íþróttamála félagsins.
Pochettino þekkir vel til í ensku úrvalsdeildinni en hann stýrði Southampton tímabilið 2013/14 og Tottenham frá 2014-2019. Hann stýrði PSG síðast.
Jesus Perez, Miguel d’Agostino, Toni Jimenez og Sebastiano Pochettino verða í þjálfarateyminu.
