Það eru engir áhorfendur á vellinum en það er samt hiti í þessum nágrannaslag, og þá sérstaklega á hliðarlínunni.

Þar eigast við Jose Mourinho og Frank Lampard, en Mourinho er fyrrum stjóri Lampard hjá Chelsea.

Það voru orðaskipti þeirra á milli á hliðarlínunni í fyrri hálfleiknum. Breskir fjölmiðlamenn segja frá því að Mourinho hafi verið ósáttur við það hvað Lampard væri mikið að tjá sig á hliðarlínunni.

„Fjandinn hafi það Frank, þú stæðir ekki hérna ef þú værir 3-0 undir," sagði Mourinho meðal annars.

Meðfylgjandi fréttinni er myndband.