Tíu sem gætu tekið við af Emery hjá Arsenal
Emery var látinn fara frá Arsenal í morgun.
Mynd: Getty Images
Emery var látinn fara frá Arsenal í morgun.
Mynd: Getty Images
Freddie Ljungberg er tekinn við liðinu til bráðabirgða og stýrir því gegn Norwich á sunnudag.
Sky Sports tók saman lista yfir tíu knattspyrnustjóra sem gætu mögulega tekið við af Emery hjá Arsenal. Hér að neðan má sjá listann, en Sky Sports nefnir líka nokkra stjóra sem þykja ekki eins líklegir. Þeir stjórar eru: Julian Nagelsmann, Diego Simeone, Carlo Ancelotti, Chris Wilder og Didier Deschamps.
Nuno Espirito Santo. Núverandi starf: Wolves. Kom Úlfunum í Evrópudeildina á síðustu leiktíð og er hann með liðið núna í fimmta sæti. Vill hann fara frá Wolves á þessum tímapunkti? Það er góð spurning.
Mynd: Getty Images
Freddie Ljungberg. Núverandi starf: Bráðabirgðastjóri Arsenal. Spilaði með Arsenal og kom inn í þjálfarateymið hjá aðalliðinu fyrir þetta tímabil. Ef hann nær að standa sig vel á meðan hann stýrir, þá gæti hann sannfært stjórnina að ráða sig - líkt og Ole Gunnar Solskjær gerði hjá Man Utd.
Mynd: Getty Images
Mikel Arteta. Núverandi starf: Aðstoðarstjóri Man City. Annar fyrrum leikmaður félagsins. Hefur verið að starfa undir handleiðslu Pep Guardiola frá því hann hætti sem leikmaður hjá Arsenal. Það er eflaust mjög góður skóli.
Mynd: Getty Images
Mauricio Pochettino. Núverandi starf: Atvinnulaus. Þetta er kannski langsótt, en hann er með þeim líklegustu í starfið. Stýrði Tottenham, helstu erkifjendum Arsenal, í rúm fimm ár og gerði góða hluti. Var rekinn þaðan fyrr í mánuðinum.
Mynd: Getty Images
Rafa Benitez. Núverandi starf: Dalian Yifang í Kína. Ef Arsenal vill fá knattspyrnustjóra sem sér til þess að þú gerir andstæðingunum erfitt fyrir að vinna þig, þá er hægt að gera mikið verr heldur en Rafa. Er að vinna í Kína, en það væri eflaust heillandi fyrir hann að snúa aftur til Englands.
Mynd: Getty Images
Massimilano Allegri. Núverandi starf: Atvinnulaus. Hann vann ítölsku úrvalsdeildina fimm sinnum af fimm mögulegum hjá Juventus. Takmörkuð enskukunnátta er talin vinna gegn honum.
Mynd: Getty Images
Patrick Vieira. Núverandi starf: Nice í Frakklandi. Fyrrum fyrirliði Arsenal og goðsögn hjá félaginu. Hann er núna að stýra Nice í Frakklandi, en liðið hefur verið í vandræðum á tímabilinu. Nice er sem stendur í 15. sæti frönsku úrvalsdeildarinnar.
Mynd: Getty Images
Eddie Howe. Núverandi starf: Bournemouth. Hvenær tekur Howe skrefið í stærra félag? Kom Bournemouth úr D-deild í þá efstu, og er núna búinn að festa liðið í sessi í úrvalsdeildinni.
Mynd: Getty Images
Brendan Rodgers. Núverandi starf: Leicester. Hefur verið að gera mjög skemmtilega hluti með Leicester, en er hann tilbúinn að yfirgefa Leicester? Það þykir ólíklegt.
Mynd: Getty Images
Steven Gerrard. Núverandi starf: Rangers í Skotlandi. Hann olli Arsenal vandræðum sem leikmaður, en gæti hann leyst vandamálin sem knattspyrnustjóri? Gerrard, sem er fyrrum fyrirliði Liverpool, er óvænt nafn í umræðuna, en hann er búinn að gera mjög flotta hluti með Rangers.
Mynd: Getty Images
