Maðurinn sem hljóp inn á völlinn í leik Portúgal og Úrúgvæ á HM í gær er laus úr haldi.
Rétt áður en fyrsta mark leiksins kom þá ruddist áhorfandi inn á völlinn með regnbogafána í hendinni. Samkynhneigð er bönnuð í Katar og voru margir sem bjuggust við því að þessi maður yrði í slæmum málum.
Á bolnum hans var hann líka með skilaboð til stuðnings Úkraínu og kvenfólks í Íran.
Maðurinn, sem heitir Mario Ferri og er frá Ítalíu, er núna laus úr haldi og fær aðeins þá refsingu að mega ekki mæta á fleiri leiki á þessu móti.
„Ég vildi senda mikilvæg skilaboð," segir Ferri en mikið hefur verið fjallað um mannréttindabrot í Katar.
Athugasemdir
