Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   mán 30. janúar 2023 22:13
Ívan Guðjón Baldursson
Man Utd hafnaði tilboðinu í Russo
Russo hefur skorað 10 mörk í 17 landsleikjum með Englandi og varð Evrópumeistari í fyrra.
Russo hefur skorað 10 mörk í 17 landsleikjum með Englandi og varð Evrópumeistari í fyrra.
Mynd: EPA

Manchester United hafnaði mettilboði Arsenal í framherjann öfluga Alessia Russo.


Russo er talin til bestu leikmanna heims um þessar mundir og leikur lykilhlutverk í sterku liði Man Utd og enska landsliðinu.

Hún virðist þó ekki ætla að halda áfram hjá Rauðu djöflunum eftir að samningsviðræður sigldu í strand. Russo, sem rennur út á samningi næsta sumar, er með nokkur samningstilboð úr bandarísku deildinni.

Arsenal vildi krækja í Russo á undan öðrum með því að borga metfé fyrir hana, en metfé fyrir félagsskipti í kvennaboltanum eru 400 þúsund pund. 

Man Utd er ekki tilbúið til að missa lykilmann sinn á mikilvægum tímapunkti í titilbaráttu ensku ofurdeildarinnar, þar sem Russo og stöllur drottna á toppinum en eru enn í harðri baráttu við Chelsea, Arsenal og mögulega Manchester City.

Sky Sports greinir frá þessu en óljóst er hvort Arsenal ætli að leggja fram annað tilboð í Russo, sem verður 24 ára í febrúar.


Athugasemdir
banner
banner
banner
banner