Portúgalski miðvörðurinn Diogo Monteiro er búinn að standast læknisskoðun hjá Leeds United.
Monteiro, sem er nýbúinn að eiga 18 ára afmæli, er fenginn til að fylla í skarð Diego Llorente sem er á leið til Roma.
Hann kemur úr röðum Servette í Sviss þar sem hann á þó aðeins sjö leiki að baki fyrir meistaraflokk. Leeds hefur verið að fylgjast með honum í yngri flokkunum og með yngri landsliðum Portúgals.
Monteiro er lykilmaður í yngri landsliðunum og á 31 leik að baki fyrir U15, U16 og U17 liðin.
Hann er ekki eini leikmaðurinn sem er að ganga í raðir Leeds um þessar mundir því Weston McKennie er einnig á svæðinu.
Athugasemdir