„Það er fyrst og fremst ánægjulegt að vera komnir áfram, það er það sem þessi keppni bíður upp á, það er að komast áfram og við viljum fara alla leið og riðja hverri hindrun á vegi sem kemur og þetta var liður í því," voru fyrstu viðbrögð Loga Ólafssonar, þjálfara FH, eftir 3-1 sigurinn á Þór í 16-liða úrslitum Mjólkurbikarsins.

Lestu um leikinn: FH 3 -  1 Þór

„Við vitum að þetta er erfitt og það skiptir oft á tíðum ekki máli hvaða deild liðin eru í. Þeir eru vel skipulagðir og með góða fótboltamenn sem geta gert hluti upp á eigin spýtur og það reyndist okkur smá erfitt í dag en sem betur fer náðum við að skora þrjú mörk."

Steven Lennon byrjaði á bekknum og var sóknarleikur liðsins bitlaus í fyrri hálfleik og þangað til á 62 mínútu þegar Steven Lennon kom inn á völlinn. Þá kveiknaði á sóknarleik FH-inga. Sýnir það hversu mikilvægur Lennon er í sóknarleik liðsins?

„Já, það vita allir sem fylgjast með fótboltanum hér að Lennon er okkur mikilvægur og góður fótboltamaður."

„Það voru menn að spila leikinn í dag sem hafa kannski ekki spilað mjög mikið, þannig þetta tók aðeins meiri tíma en ella."

Viðtalið í heild sinni má sjá í sjónvarpinu hér að ofan þar sem Logi er meðal annars spurður út í sögusagnir að FH sé að reyna krækja í Ólaf Karl Finsen leikmann Vals.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit