Lazio 1 - 4 Atalanta
0-1 Robin Gosens ('10)
0-2 Hans Hateboer ('32)
0-3 Papu Gomez ('41)
1-3 Felipe Caicedo ('57)
1-4 Papu Gomez ('61)
0-1 Robin Gosens ('10)
0-2 Hans Hateboer ('32)
0-3 Papu Gomez ('41)
1-3 Felipe Caicedo ('57)
1-4 Papu Gomez ('61)
Lazio og Atalanta mættust í nokkuð furðulegum stórslag í ítalska boltanum í kvöld. Þarna mættust tvö af skemmtilegustu liðum deildarinnar og var vængbakvörðurinn Robin Gosens búinn að skora eftir tíu mínútur.
Gosens lagði næsta mark upp fyrir hægri vængbakvörðinn Hans Hateboer og gerði Alejandro 'Papu' Gomez þriðja markið skömmu fyrir leikhlé.
Atalanta var því þremur mörkum yfir eftir fyrri hálfleik sem var satt að segja nokkuð jafn en færanýting Lazio var arfaslök.
Felipe Caicedo minnkaði muninn fyrir heimamenn en fjórum mínútum síðar bætti Papu Gomez öðru marki sínu við og gerði þar með út um leikinn.
Atalanta heldur uppteknum hætti og er búið að skora 8 mörk í fyrstu tveimur umferðum nýs tímabils. Napoli er einnig komið með 8 mörk og er Inter búið að skora 9 sinnum í tveimur leikjum.
Atalanta á næst heimaleik gegn Cagliari á sunnudaginn á meðan Lazio tekur á móti Inter í stórleik.
Athugasemdir