Unglingalandsliðsmarkvörðurinn Jökull Andrésson hefur verið lánaður frá Reading til Stevenage út þessa leiktíð.
Jökull, sem er 21 árs gamall, er uppalinn í Aftureldingu en hefur verið á mála hjá Reading frá árinu 2017.
Hann hefur leikið með tveimur öðrum félögum á Englandi á lánssamningi. Hann hefur þrisvar farið til Exeter og tvisvar til Morecambe.
Núna síðast spilaði hann einn leik fyrir Exeter en hann mun klára tímabilið með Stevenage sem er í deild fyrir neðan, D-deildinni á Englandi.
Stevenage er sem stendur í öðru sæti D-deildarinnar en liðið kom á óvart fyrir nokkrum vikum síðan með því að slá út Aston Villa í FA-bikarnum.
Athugasemdir