Sevilla fær Pape Gueye frá Marseille (Staðfest)
Mynd: EPA
Mynd: EPA
Sevilla er búið að tryggja sér senegalska miðjumanninn Pape Gueye á lánssamningi frá Marseille sem gildir út tímabilið. Það er enginn kaupmöguleiki sem fylgir en Gueye er samningsbundinn Marseille til 2024.
Gueye er 24 ára miðjumaður sem komst í fréttirnar vorið 2020 fyrir að samþykkja samning við Watford, skipta um umboðsmenn og hætta svo við samninginn á ólögmætan hátt sem varð til þess að Marseille fékk refsingu og Gueye leikbann.
Gueye var fastamaður í byrjunarliðinu en hefur ekki tekist að halda í sætið eftir komu ýmissa gæðamikilla miðjumanna á borð við Matteo Guendouzi og Jordan Veretout.
Gueye fyllir í skarðið sem Thomas Delaney skilur eftir sig í leikmannahópi Sevilla. Delaney er á leið til Hoffenheim á lánssamningi.
????? Pape Gueye, ya como sevillista: "Sampaoli me conoce, ha sido decisivo para venir aquí". #WeareSevilla #NuncaTeRindas
— Sevilla Fútbol Club (@SevillaFC) January 30, 2023
