Frakkar leiða með tveimur mörkum gegn engu í leik við Ísland í lokaumferð riðlakeppni U21 Evrópumótsins.
Ísland þarf að vinna þennan leik með þremur mörkum til þess að eiga möguleika á að komast áfram en staðan er heldur betur ekki góð núna. Það er óhætt að segja það.
Matteo Guendouzi, miðjumaður Arsenal sem er í láni hjá Hertha Berlín, kom Frökkum yfir á 17. mínútu. „Sending upp vinstri vænginn, fyrirgjöf og Guendouzi laus inn á teignum. Of auðvelt og upp úr engu," skrifaði Sæbjörn Þór Þórbergsson Steinke í beinni textalýsingu frá leiknum sem má nálgast hérna.
Sóknarmaðurinn Odsonne Edouard, sem leikur með Celtic, bætti við öðru marki á 38. mínútu. Aftur frekar auðvelt fyrir þá frönsku.
Staðan er 2-0 fyrir Frakkland þegar búið er að flauta til hálfleiks og það er sanngjarnt þó Íslandi hafi átt fínar rispur inn á milli.
Hægt er að sjá mörkin úr leiknum hér að neðan.
Staðan er 0-2 í hálfleik.#fyririsland pic.twitter.com/i0f2wp5isG
— Knattspyrnusambandið (@footballiceland) March 31, 2021
Eftir fína byrjun hjá okkar mönnum eru það Frakkar sem gera fyrsta markið. Matteo Guendouzi kemur Frökkunum í forystu eftir 17. mínútna leik. pic.twitter.com/abL6Fnwszc
— RÚV Íþróttir (@ruvithrottir) March 31, 2021
Odsonne Édouard tvöfaldar forystu Frakka. Vippar snyrtilega yfir Elías í markinu og staðan orðin 2-0 þegar styttist í háfleik. pic.twitter.com/hejBgrJqtK
— RÚV Íþróttir (@ruvithrottir) March 31, 2021
Athugasemdir