Wiegman: Erum ekki hræddar við neinn
Mynd: EPA
Mynd: EPA
Enska kvennalandsliðið mætir því þýska í úrslitaleik EM á Wembley í dag.
England hefur aldrei unnið EM en Þýskaland er skrefi nær því að vinna sitt níunda Evrópumót.
Sarina Wiegman stjóri enska landsliðsins stýrði hollenska landsliðinu til sigurs á síðasta EM sem fram fór í Hollandi árið 2017. Hún er mjög bjartsýn fyrir leikinn.
„Við komumst í úrslitaleikinn svo við erum eitt af bestu liðunum á mótinu. Við erum líka með gott lið og erum ekki hræddar við neinn," sagði Sarina.
Leikurinn hefst kl 16 og er í beinni útsendingu á Rúv.
