Davíð Smári, þjálfari Kórdrengja.
„Mér fannst við byrja þennan leik af krafti og byrjum virkilega vel. Við vissum að við þyrftum að byrja þennan af krafti og enga værukærð og gerðum það. Við þurfum aðeins að hlaða batterýin núna og gefa í fyrir næsta leik"
Upplegg Kórdrengja fyrir leikinn var að keyra á Víkinga strax fyrstu 15.mínútur leiksins og má segja að það uppleg hafi gengið eftir.
„Það var algjörlega málið. Við ætluðum að byrja af miklum krafti og reyna ná marki á þá snemma og halda þeim í þeirri trú að þeir ættu enga von."
Eftir kröftuga byrjun Kódrengja datt tempóið aðeins niður en Kórdrengir náðu að halda markinu hreinu og náðu inn þriðja markinu sem drap leikinn.
„Við vorum orðnir „sloppý" aðeins þarna og einhverneigin að bíða eftir þriðja markinu og héldum að það kæmi af sjálfu sér og það er aldrei gott þegar það er þannig en sem betur fer kom það á endanum og fyrir mér var þetta aldrei spurning."
Alex Freyr Hilmarsson var ónotaður varamaður í kvöld og var Davíð Smári spurður um stöðu hans.
„Staðan á honum er upp á tíu og við erum bara að reyna dreyfa álagi og það gékk vel í kvöld."
Viðtalið í heild sinni má sjá í sjónvarpinu hér að ofan.
