,,Þetta eru ekkert ósanngjörn úrslit miðað við gang leiksins en miðað við færin þá er ég ekki sáttur," sagði Bjarni Jóhannsson þjálfari Stjörnunnar eftir 1-1 jafntefli gegn ÍBV í kvöld.
,,Þau undur og stórmerki gerðust að Stjarnan fór að spila vörn á eigin vallarhelmingi. Við þéttum liðið ágætlega og héldum þeim helvíti vel og lengi en svo fannst mér við missa þá þegar þeir jöfnuðu leikinn. Við fengum okkar hraðaupphlaupssénsa og það er synd að hafa ekki náð að nýta einn af þeim."
Bjarni vildi fá vítaspyrnu undir lokin þegar Atli Jóhannsson féll eftir baráttu við Brynjar Gauta Guðjónsson.
,,Þegar Atli fékk færið í lokin fannst mér vera stjakað við honum. Þess vegna er skotið svona lélegt og þetta er klár vítaspyrna og rautt spjald ef svo reynist. Ég þori ekki að fullyrða það, ég var ekki í aðstöðu til að sjá það," sagði Bjarni sem vildi einnig sjá Christian Olsen fá rauða spjaldið.
,,Þegar hann henti boltanum í Hödda, kannski eru þettta einhverjar nýjar reglur," sagði Bjarni.
Hér að ofan má sjá viðtalið í heild sinni.
Athugasemdir
