Paris Saint-Germain þarf enn að bíða eftir því að verða krýndir Frakklandsmeistarar. PSG hefur núna fengið þrjár tilraunir til þess en mistekist í þeim öllum.
PSG sótti Nantes heim í kvöld og komst snemma yfir með marki Dani Alves. Nantes svaraði af krafti og komst í 2-1 fyrir leikhlé. Snemma í seinni hálfleiknum varð staðan 3-1.
Metehan Guclu, tvítugur Frakki, minnkaði muninn fyrir PSG þegar lítið var eftir. Lengra komst Parísarliðið hins vegar ekki og lokatölur 3-2 fyrir Nantes.
PSG mætti aðeins með 16 leikmenn í þennan leik af 18 mögulegum. Mikið var um forföll og var byrjunarliðið ekki sérlega sterkt. Þetta er í fyrsta sinn frá 2011 þar sem PSG tapar tveimur leikjum í röð í frönsku úrvalsdeildinni.
PSG er 17 stigum á undan Lille, sem er í öðru sæti, þegar sex umferðir eru eftir. Átján stig eru í pottinum.
Nantes er í 14. sæti frönsku úrvalsdeildarinnar.
Byrjunarlið PSG í kvöld: Buffon, Dani Alves, Kehrer, Kimpempe, Nsoki, Diaby, Paredes, Draxler, Kursawa, Choupo-Moting, Nkunku.
Thomas Tuchel's side have had three attempts to secure the 2018/19 Ligue 1 title:
— Squawka Football (@Squawka) April 17, 2019
✖️ PSG 2-2 Strasbourg
✖️ Lille 5-1 PSG
✖️ Nantes 3-2 PSG
They have lost back-to-back league games for the first time since 2011. pic.twitter.com/DbYY36iz7F
Athugasemdir