Elín Metta í leiknum í kvöld.
,,Þetta er rosalega sætt og var ógeðslega gaman," sagði hin 15 ára gamla Elín Metta Jensen sem kom inná í sínum fyrsta meistaraflokksleik með Val í kvöld og skoraði í 7-2 sigri á Haukum, en bjóst hún við að fá sénsinn?
,,Nei, ég var ekki viss, en hann hafði mig í hópnum í fyrsta skipti og svo var ég bara kölluð inn og svo datt hann bara einhvern veginn fyrir mig, flott bara," bætti hún en hún mætti á sína fyrstu meistaraflokksæfingu í gær.
,,Þetta var bara frábært, ég átti eiginlega ekki von á þessu, ég vissi ekki að ég væri að fara að keppa fyrir tveimur dögum."
Nánar er rætt við Elínu Mettu í sjónvarpinu hér að ofan.
