Varnarleikur Tottenham Hotspur hefur ekki verið upp á marga fiska í byrjun leiktíðar og var 2-0 tapið gegn Aston Villa enn eitt dæmið um það.
Tottenham tapaði fimmta leik sínum í deildinni á tímabilinu og er í 5. sæti deildarinnar með 30 stig.
Liðið lenti undir í byrjun síðari hálfleiks eftir mistök frá Hugo Lloris, en hann hefur gert fjölmörg mistök til þessa.
Alls hefur vörn Tottenham gert fimm mistök á tímabilinu sem hafa leitt til þess að andstæðingurinn komi boltanum í netið. Lloris á þrjú af þessum fimm.
Þetta var tíundi leikurinn í röð sem liðið lendir undir og er enn meira áhyggjuefni að þetta var sjöundi leikurinn í röð þar sem það fær á sig tvö mörk eða meira. Það er í fyrsta sinn sem það gerist síðan 1988.
Sóknarleikur liðsins hefur oft á tíðum bjargað, sem dæmi á móti Leeds og Bournemouth, en sóknarleikurinn í dag var slakur, sem og varnarleikurinn.
7 - Tottenham have conceded at least twice in each of their last seven Premier League games, their longest run of shipping 2+ in league matches since November 1988 (8). Alarming. pic.twitter.com/kcMJpMXEGi
— OptaJoe (@OptaJoe) January 1, 2023
Athugasemdir
