Union Berlin þurfti framlengingu gegn Chemnitzer sem leikur í þýsku D-deildinni er liðin mættust í 64-liða úrslitum bikarsins í dag.
Gestirnir frá Berlín voru mun betri í leiknum en Chemnitzer tók forystuna í seinni hálfleik. Það tók Union tvær mínútur að jafna en sigurmarkið kom ekki fyrr en í framlengingu.
Kevin Behrens kom boltanum í netið á 114. mínútu og tryggði Union Berlin áfram í næstu umferð en Bayer Leverkusen og FC Köln duttu meðal annars út um helgina.
Chemnitzer 1 - 2 Union Berlin
1-0 Tobias Müller ('62)
1-1 Jordan Siebatcheu ('64)
1-2 Kevin Behrens ('114)
Eintracht Frankfurt er þá komið áfram eftir þægilegan sigur gegn Magdeburg ásamt Darmstadt og Werder Bremen.
Darmstadt lenti ekki í erfiðleikum gegn Ingolstadt en Werder Bremen vann Energie Cottbus með aðeins eins marks mun.
Magdeburg 0 - 4 Eintracht Frankfurt
Ingolstadt 0 - 3 Darmstadt
Energie Cottbus 1 - 2 Werder Bremen