„Við reynum að fylgjast með fréttum, það er nóg að fara á Fótbolta.net, þið þýðið þetta allt saman," sagði Heimir Hallgrímsson kíminn fyrir æfingu íslenska liðsins í dag þegar hann var spurður út í hvort menn væru búnir að ná að kynna sér meira það sem nýr þjálfari Hollands, Danny Blind, ætlar að gera á fimmtudag.
„Það skiptir okkur okkur svosem ekki miklu máli hverjir spila eða hvaða taktík þeir spila. Við erum með svæðisvörn, bæði í föstum og í leiknum. Við þurfum rétt að aðlaga það sem við erum að gera. Við höfum engar stórar áhyggjur."
Spennan magnast upp með hverjum klukkutímanum hér í Hollandi og finnst hollenskum fjölmiðlamönnum mjög merkilegt hversu margir Íslendingar mæta á leikinn.
„Að rúmlega eitt prósent þjóðarinnar sé að koma til að horfa á fótboltaleik er frábært fyrir okkur. Við erum fullir þakklætis til stuðningsmanna. Ég held að það sýni líka þá ofurtrú sem fólk hefur á landsliðinu, fólk ætlast til þess að við vinnum og það er bara gott mál."
Viðtalið við Heimi má sjá í heild sinni í sjónvarpinu hér að ofan.
Athugasemdir
