Matthías Vilhjálmsson leggur skóna á hilluna á laugardaginn.
Matthías Vilhjálmsson leggur skóna á hilluna eftir leik Víkings gegn Val á laugardaginn. Að leik loknum taka Víkingar við Íslandsmeistaraskildinum.
„Ég er ákaflega stoltur af mínum ferli – en fyrst og fremst þakklátur," segir Matthías sem er 38 ára og lék lengi sem atvinnumaður í Noregi.
Hann vann norska meistaratitilinn fjórum sinnum með Rosenborg auk fleiri titla. Hann varð fimm sinnum Íslandsmeistari, þrisvar með FH og tvisvar með Víkingi. Þá vann hann bikarinn þrívegis. Auk þess lék hann fimmtán landsleiki, þann síðasta 2016.
Hér að neðan má sjá myndir og myndskeið frá ferli hans.
„Ég er ákaflega stoltur af mínum ferli – en fyrst og fremst þakklátur," segir Matthías sem er 38 ára og lék lengi sem atvinnumaður í Noregi.
Hann vann norska meistaratitilinn fjórum sinnum með Rosenborg auk fleiri titla. Hann varð fimm sinnum Íslandsmeistari, þrisvar með FH og tvisvar með Víkingi. Þá vann hann bikarinn þrívegis. Auk þess lék hann fimmtán landsleiki, þann síðasta 2016.
Hér að neðan má sjá myndir og myndskeið frá ferli hans.
Matthías Vilhjálmsson á Facebook:
Það er sérstök og svolítið skrýtin tilfinning að skrifa þetta.
Leikurinn á laugardaginn verður minn síðasti leikur á ferlinum þar sem að eftir meira en 20 ár í meistaraflokksfótbolta hef ég ákveðið að leggja skóna á hilluna.
Í rauninni hefur fótboltinn verið líf mitt síðan ég var barn á Ísafirði. Hann hefur kennt mér svo margt sem nýtist í lífinu sjálfu – vinnusemi, aga, auðmýkt og það að gefast aldrei upp.
Ég gaf nánast allt sem ég átti í hverja einustu æfingu og leik, og kannski er það ástæðan fyrir því að ég náði að endast svona lengi og afreka svona góða hluti.
Fótboltinn hefur gefið mér vináttu til lífstíðar og minningar sem ég mun aldrei gleyma.
Ég er ákaflega stoltur af mínum ferli – en fyrst og fremst þakklátur.
Þakklátur fyrir fjölskylduna sem hefur staðið við hliðina á mér í öllu, fyrir liðsfélagana, þjálfarana, stuðningsmennina, allt fólkið sem hefur verið hluti af þessari vegferð – og öll liðin sem ég hef verið svo heppinn að spila með.
Þannig að mig langar bara að segja:
Takk fyrir mig!
Matti Villa leggur skóna á hilluna að tímabili loknu. En kæru Víkingar, þetta er ekki alveg búið. Kveðjustundin verður á laugardag í Hamingjunni þegar skjöldurinn kemur heim.
— Víkingur (@vikingurfc) October 22, 2025
Takk fyrir okkur Matti. Mikið ofboðslega var frábært að fá þig í Hamingjuna??????https://t.co/FuD91PQivo pic.twitter.com/RsgpXZJTdZ
Athugasemdir
