Manchester United vann 30. leik sinn á tímabilinu og það í aðeins 41 leik er það sigraði West Ham United, 3-1, í fimmtu umferð enska bikarsins í gær.
Það er allt annað að sjá lið Man Utd síðan Erik ten Hag tók við síðasta sumar en sjálfstraustið geislar af leikmönnum liðsins og virðast fáir eiga roð í þá.
Liðið lenti undir á Old Trafford í gær en United kom til baka og gerði síðan út um leikinn undir lok hans.
Síðan Ten Hag tók við hefur verið allt annar bragur á liðinu og var sigurinn í gær sá þrítugasti á tímabilinu og það í aðeins 41 leik, en aðeins einn stjóri í sögu félagsins hefur afrekað það.
Sir Alex Ferguson náði í 30 sigra í fyrstu 40 leikjum sínum tvisvar, tímabilin 2006-2007 og 2012-2013. Í bæði skiptin vann liðið ensku úrvalsdeildina.
30 - @ManUtd have now won 30 games in all competitions this season after 41 matches; only in 2006-07 and 2012-13 (both after 40 matches) have they reached this win total sooner, winning the Premier League title in both campaigns. Force. pic.twitter.com/cCrUUFSZ2b
— OptaJoe (@OptaJoe) March 1, 2023
Athugasemdir