Pabbinn, Sjeik Hamad bin Jassim Bin Jaber Al Thani, er fyrrum forsætisráðherra Katar og segist sjálfur ekki hafa neinn áhuga á fótbolta.

„Ég er ekki fótboltaáhugamaður og er ekki hrifinn þessari fjárfestingu. Kannski mun hún virka vel. Sumir sona minna eru hrifnir af þessu, þeir hafa rætt þetta við mig og setja mikinn þrýsting. En þetta er ekki mitt sérsvið," segir Sjeik Hamad sem lítur ekki á tilboðið í Manchester United sem auglýsingu fyrir Katar heldur sem fjárfestingu

Hann viðurkennir að hafa verið mótfallinn því í upphafi að Katar myndi halda HM 2022 en segist sjá það núna að það hafi verið jákvætt fyrir landið.

„Þetta hafði ýmis jákvæð áhrif, ekki bara það að setja Katar á kortið. Margir heimsóttu landið, margir úr viðskiptageiranum um allan heim. Þeir komu margir hverjir í fyrsta sinn og voru með fjölskyldur sínar með."