Umdeilt atvik átti sér stað undir lok leiks KA og KR á Greifavellinum í Bestu deild karla í kvöld en KA-menn vildu fá vítaspyrnu er Gaber Dobrovoljc féll í teignum.
Atvikið átti sér stað seint í uppbótartíma síðari hálfleiks. KR-ingar voru að leiða með einu marki sem Aron Þórður Albertsson skoraði í byrjun leiksins.
Boltinn kom inn í teiginn á Dobrovojic sem ætlaði að reyna skot úr teignum en þá mætti Atli Sigurjónsson og fleygði sér í tæklingu með sólann á undan.
Það má vel deila um það hvort Egill Arnar Sigurþórsson, dómari, hafi átt að dæma vítaspyrnu á þetta en hver og einn getur dæmt fyrir sig.
Hægt er að sjá atvikið hér fyrir neðan.
Alls ekkert hátt upp með fótinn þarna. pic.twitter.com/1zsBFawVG6
— Rikki G (@RikkiGje) August 2, 2022
Athugasemdir