Dalvík/Reynir tilkynnti í dag að félagið hefði gert samkomulag við framherjann Abdeen Abdul á riftun á samningi. Hann hefur því leikið sinn síðasta leik fyrir félagið.
Alls lék hann níu leiki í Lengjudeildinni í sumar og skoraði fjögur mörk. Hans síðasti leikur var gegn Leikni í lok júní. Hann er 29 ára Íri sem var samningsbundinn D/R út tímabilið.
Alls lék hann níu leiki í Lengjudeildinni í sumar og skoraði fjögur mörk. Hans síðasti leikur var gegn Leikni í lok júní. Hann er 29 ára Íri sem var samningsbundinn D/R út tímabilið.
Á sama tilkynnti D/R að Elvar Freyr Jónsson hefði skrifað undir framlengingu á samningi sínum við félagið. Elvar er uppalinn Dalvíkingur og mun hann spila á láni hjá FC Árbæ í 3. deildinni út tímablið.
Þá er sagt frá því að Tómas Þórðarson er genginn í raðir KFK í 3. deildinni. Tómas var á sínu öðru tímabili hjá D/R en hann er uppalinn í KA.
Loks er greint frá því að Dagbjartur Búi Davíðsson er haldinn aftur til KA en hann var á láni hjá D/R.
„Við óskum leikmönnunum góðs gengis í nýjum verkefnum og þökkum fyrir þeirra framlag í bili," segir í tilkynningu félagsins.
Dalvík/Reynir er á botni Lengjudeildarinnar, fimm stigum frá öruggu sæti þegar sjö umferðir eru eftir. Næsti leikur er útileikur gegn Gróttu.
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍBV | 22 | 11 | 6 | 5 | 50 - 27 | +23 | 39 |
| 2. Keflavík | 22 | 10 | 8 | 4 | 37 - 24 | +13 | 38 |
| 3. Fjölnir | 22 | 10 | 7 | 5 | 34 - 28 | +6 | 37 |
| 4. Afturelding | 22 | 11 | 3 | 8 | 39 - 36 | +3 | 36 |
| 5. ÍR | 22 | 9 | 8 | 5 | 30 - 28 | +2 | 35 |
| 6. Njarðvík | 22 | 8 | 9 | 5 | 34 - 29 | +5 | 33 |
| 7. Þróttur R. | 22 | 8 | 6 | 8 | 37 - 31 | +6 | 30 |
| 8. Leiknir R. | 22 | 8 | 4 | 10 | 33 - 34 | -1 | 28 |
| 9. Grindavík | 22 | 6 | 8 | 8 | 40 - 46 | -6 | 26 |
| 10. Þór | 22 | 6 | 8 | 8 | 32 - 38 | -6 | 26 |
| 11. Grótta | 22 | 4 | 4 | 14 | 31 - 50 | -19 | 16 |
| 12. Dalvík/Reynir | 22 | 2 | 7 | 13 | 23 - 49 | -26 | 13 |
Athugasemdir
