Celta Vigo og Cadiz áttust við í fyrsta leik fjórðu umferðarinnar í spænsku deildinni í kvöld.
Fyrri hálfleikurinn var heldur tíðindalítill en Iago Aspas kom Celta yfir eftir tíu mínútna leik í síðari hálfleik.
Um fimm mínútum síðar bætti Oscar Rodriguez við öðru marki áður en Aspas gulltryggði sigurinn með þriðja marki Celta og öðru marki sínu.
Cadiz náði ekkert að ógna marki Celta í leiknum þar sem þeir áttu sjö tilraunir og engin hitti rammann.
Celta er með 7 stig í 6. sæti á meðan Cadiz er á botninum án stiga.
Athugasemdir