Mynd: EPA

Það er ekkert sem getur stöðvað Girona þessa dagana en liðið lenti undir gegn Valencia í dag en snéri blaðinu við á lokamínútum leiksins.

Girona er á toppi spænsku deildarinnar en liðið lenti undir gegn Valencia eftir tæpan klukkutíma leik. Leikmenn Girona voru allir á vallarhelmingi Valencia og slök sending í öftustu línu varð til þess að Hugo Duro komst einn í gegn og vippaði yfir Paulo Gazzaniga í marki Girona og kom Valencia yfir.

Leikmenn Girona gáfust hins vegar ekki upp og Cristhian Stuani jafnaði metin þegar skammt var til leiksloka.

Hann var aftur á ferðinni stuttu síðar og tryggði Girona stigin þrjú.