Cristiano Ronaldo, nýr leikmaður Al-Nassr í Sádi Arabíu, er ekki með klásúlu í samningi sínum sem segir að hann geti farið til Newcastle United ef félagið kemst í Meistaradeildina á næsta tímabili en þetta segir Eddie Howe, stjóri enska félagsins í dag.
Spænskir fjölmiðlar greindu frá því í gær að Ronaldo væri með þessa klásúlu í samningi sínum, en að vísu var það tekið til baka nokkrum mínútum síðar.
MARCA er einn af þeim miðlum sem drógu í land en Al-Nassr er rekið af konungsfólki Sádi Arabíu og þá er Newcastle í eigu krónprinsins, Mohammed Bin Salman. Tengslin eru því til staðar en það eru þó engar líkur á því að Ronaldo fari til Newcastle.
Talið var að hann myndi fara á láni til Newcastle ef félaginu tækist að komast í Meistaradeildina á næsta tímabili en Howe segir ekkert til í þessum fréttum.
„Við óskum Cristiano Ronaldo alls hins besta hjá nýju félagi en það er ekki sannleikskorn í þessu, að minnsta kosti ekki frá okkar hlið,“ sagði Howe.
Athugasemdir
