Xavi færði Araujo út hægra megin í vörnina og setti hann til höfuðs Brasilíumanninum, eins og hann hafði gert áður með góðum árangri.

Þetta var í þriðja sinn sem Araujo var settur gegn Vinicius Junior og Barcelona hefur unnið alla þrjá leikina; 4-0, 3-1 og 1-0. Vinicius hefur hvorki náð að skora né leggja upp mark í leikjunum.

Xavi talaði um það eftir leikinn að Araujo væri einn besti varnarmaður heims. „Hann var fullkominn. Vinicius var nánast ekki með í leiknum," sagði Xavi.

Það eru enn tveir El Clasico leikir eftir á tímabilinu, seinni bikarleikurinn er eftir og einn deildarleikur.