Grindavík fær bandarískan framherja (Staðfest)
Mynd: Grindavík
Mynd: Grindavík
Grindavík er búið að krækja í bandaríska framherjann Jada Colbert og mun hún leika með liðinu í Lengjudeildinni í sumar.
Jada kemur úr háskólaliði Iowa State þar sem hún gerði 4 mörk í 17 leikjum í fyrra og var markahæst í liðinu.
„Ég er virkilega sáttur með að Jada ætli að taka slaginn með okkur í sumar. Hún býr yfir miklum hraða og tækni sem mun valda okkar andstæðingum vandræðum," segir Anton Ingi Rúnarsson, þjálfari meistaraflokks Grindavíkur.
„Jada er virkilega góð viðbót í okkar hóp og væntum við mikils af henni á komandi tímabili,“
Jada er væntanleg til Grindavíkur á næstu dögum.
