Man Utd gerði ekki tilboð í Martínez - Martínez hefur ekki áhuga á að fara til Tyrklands - Bayern vildi Lookman
Gísli Gotti: Besta sem maður getur hugsað sér sem íslenskur fótboltamaður
Elías um samkeppnina við Hákon: Þægilegra samband en á flestum öðrum stöðum
Brynjólfur: Þegar maður spilar vel býst maður við að vera hérna
Rúnar: Ég veit ekki alveg yfir hverju þeir voru að kvarta
Túfa um dómgæsluna: Bara engan veginn rangstaða, ekki nálægt því
„Djöfull er þetta skemmtilegt, svona á þetta að vera“
Guðmundur Baldvin missti ekki trúnna: Ég var manna slakastur inn í klefa í hálfleik
„Virðist ekki hjálpa okkur að vera manni fleiri“
Dóri Árna: Viljandi ákvað að horfa ekki á þetta aftur
Davíð Smári: Fótboltinn gefur og tekur frá þér
Jökull með skilaboð til stuðningsmanna - „Fólk fari að mæta og taki þátt í spennandi titilbaráttu með okkur"
Haddi sendir ákall til KSÍ - „Til skammar að félagið skuli haga sér svona"
Óskar Hrafn: Ekki fúll yfir því að taka stig á þessum velli
Láki: Getur ekki ætlast til að stórveldi eins og ÍA leggist niður í Eyjum
Maggi brjálaður út í dómarana - „Höfum ekki fengið neitt frá dómurunum“
Jökull um umdeilda markið: Þetta er búið að gerast svo oft
Lárus Orri: Þeir voru að finna svæði milli miðju og varnar of auðveldlega
Heimir Guðjóns: Tekin ákvörðun í haust að byggja upp nýtt lið
Breki Baxter: Stigum stórt skref upp í topp sex
Halli Hróðmars hrikalega svekktur: Þurfum fleiri stig
   sun 03. september 2023 17:08
Sölvi Haraldsson
Óskar Hrafn um stigasöfnunina: Víkingar skekkja myndina með því að vera varla búnir að tapa stigi
Mynd: Fótbolti.net - Hafliði Breiðfjörð

Ég met þetta bara sem sanngjarnan sigur hjá FH. Við vorum á eftir þeim í 90. mínútur. Þeir voru miklu betri en við í dag og við fengum allt sem við áttum skilið úr þessum leik sem var ekki neitt.“ sagði Óskar Hrafn, þjálfari Breiðabliks, eftir 2-0 tap gegn FH á heimavelli.


Lestu um leikinn: Breiðablik 0 -  2 FH

FH-ingarnir fengu fullt af færum í upphafi seinni hálfleiks. Óskar fór yfir þessa byrjun á seinni hálfleiknum.

„Þeir voru náttúrulega með meðvind og við vorum opnir. Við vorum ekki skipulagðir og ekki nægilega grimmir fram á við. Við vorum bara eftir á. Færin og skotin þeirra verða samt miklu hættulegri með vindinn í bakinu. Seinni hálfleikurinn var samt miklu skárri hjá okkur sóknarlega en varnarlega vorum við alltaf skrefi á eftir. Við vorum eftir.“

Óskar var þá spurður hvort að bitlausir væri rétta orðið til þess að útskýra þessa frammistöðu.

„Já og ekki kveikt á okkur. Bæði varnarlega og sóknarlega. Við mættum ekki vel stemmdir til leiks. Það þýðir ekkert í þessari deild.“

Klæmint Olsen var ekki í hóp í dag. Hann var á dögunum valinn í Færeyska landsliðshópinn en Óskar var spurður út í fjarveru Færeyingsins.

Hann er búinn að spila mikið og tankurinn er að tæmast. Hann fær ekki þann lúxus sem aðrir leikmenn fá að fá smá hvíld í landsleikjahléinu. Hann er að fara að spila með færeyjun og ég ákvað að hvíla hann í dag. Við verðum að geta lifað af án Klæmint og að Anton sé á bekknum og að Damir og Viktor séu ekki alltaf hafsenta parið. Við verðum að geta lifað af, ef ekki þá erum við ekki með nógu stóran hóp til þess að standa í þessum leikjum. Ég hef engar sérstakar áhyggjur af þessu.

Óskar talaði einnig um spennufallið eftir fimmtudaginn.

„Fimmtudagurinn var bara eins og fimmtudagurinn var. Það er eðlilegt að það geti komið eitthvað spennufall. Spennufallið getur farið í tvær áttir. Það getur farið þannig að það lyfti þér upp eða þannig að það gerir þig aðeins værukæran og rólegan. Því miður gerðist það við okkur og við áttum ekkert skilið úr þessum leik.“

Núna eru 22 leikir búnir og umspilið fer að fara að hefjast eftir landsleikjahléð en Óskar var spurður út í hvernig hann metur þessa 22 leiki.

Ég met þá þannig að auðvitað hefur stigasöfnuninn okkar verið undir væntingum. Við höfum samt núna undanfarið verið að keyra tvo vegi. Bæði evrópuveginn og deildarveginn. Við höfum ekki náð stöðugleika í báðum keppnum. Ég átta mig ekki á því hverjum það er að kenna en það er búið að vera mikið álag. Stigasöfnuninn hefur ekki verið eins góð og maður hefði viljað. En við búum líka við það að Víkingar skekkja myndina með því að vera varla búnir að tapa stigi. En við þurfum að herða okkur í úrslitarkeppninni og sækja stig.

Núna byrjar umspilið á næstu dögum og Óskar er bjartsýnn fyrir framhaldið.

Ég held að þetta verði skemmtilegt. 5 hörkuleikir og þetta verður bara gaman.“ sagði Óskar Hrafn að lokum eftir 2-0 tap gegn FH. 

Viðtalið má sjá í heild sinni í spilaranum hér að ofan.


Athugasemdir
banner
banner