Marco Silva hefur miklar mætur á Josh King.
Antoine Semenyo er á sínum stað úti á kantinum hjá Bournemouth.
Bournemouth tekur á móti Fulham í eina leik kvöldsins í ensku úrvalsdeildinni og hafa byrjunarliðin verið tilkynnt.
Gestirnir í liði Fulham eru í vandræðum í fremstu víglínu eftir að Raúl Jiménez meiddist um síðustu helgi. Rodrigo Muniz er einnig fjarverandi vegna meiðsla og þá er bara einn framherji eftir í leikmannahópinum, 18 ára Svíi sem kom á láni frá FC Bayern á gluggadegi. Sá heitir Jonah Kusi-Asare og á eitt mark í sex leikjum fyrir U21 landslið Svía.
Marco Silva þjálfari Fulham segir þó að Kusi-Asare sé ekki tilbúinn fyrir byrjunarkliðsleik á þessu stigi. Hann hefur ákveðið að nota annan táning í byrjunarliðið, 18 ára gamlan Josh King.
King leikur sem miðjumaður en Silva virðist ætla að nota hann sem svokallaða falska níu í Bournemouth. King hefur komið við sögu í öllum leikjum Fulham á tímabilinu hingað til og verið nokkrum sinnum í byrjunarliðinu.
Silva gerir aðeins eina breytingu frá tapi gegn Aston Villa í síðustu umferð, þar sem miðvörðurinn Issa Diop kemur inn í byrjunarliðið fyrir Raúl Jiménez. Það er því líklegt að Silva breyti um leikkerfi og mæti til leiks með fimm manna varnarlínu.
Andoni Iraola þjálfari Bournemouth gerir aftur á móti fjórar breytingar á sínu liði eftir jafntefli gegn Leeds United í síðustu umferð.
James Hill, Marcus Tavernier, Alex Scott og David Brooks snúa aftur í byrjunarliðið og eru öflugir leikmenn á borð við Ryan Christie, Justin Kluivert og Lewis Cook á bekknum.
Bournemouth er með 11 stig eftir 6 fyrstu umferðir úrvalsdeildartímabilsins. Fulham er með 8 stig.
Bournemouth: Petrovic, Hill, Diakite, Senesi, Truffert, Adams, Tavernier, Scott, Semenyo, Brooks, Evanilson
Varamenn: Dennis, Cook, Christie, Kluivert, Jimenez, Doak, Adli, Kroupi, Milosavljevic
Fulham: Leno, Castagne, Diop, Bassey, Andersen, Sessegnon, Lukic, Berge, Iwobi, Wilson, King
Varamenn: Lecomte, Cuenca, Robinson, Cairney, Adama, Chukwueze, Kevin, Smith Rowe, Kusi-Asare
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 8 | 6 | 1 | 1 | 15 | 3 | +12 | 19 |
| 2 | Man City | 8 | 5 | 1 | 2 | 17 | 6 | +11 | 16 |
| 3 | Liverpool | 8 | 5 | 0 | 3 | 14 | 11 | +3 | 15 |
| 4 | Bournemouth | 8 | 4 | 3 | 1 | 14 | 11 | +3 | 15 |
| 5 | Chelsea | 8 | 4 | 2 | 2 | 16 | 9 | +7 | 14 |
| 6 | Tottenham | 8 | 4 | 2 | 2 | 14 | 7 | +7 | 14 |
| 7 | Sunderland | 8 | 4 | 2 | 2 | 9 | 6 | +3 | 14 |
| 8 | Crystal Palace | 8 | 3 | 4 | 1 | 12 | 8 | +4 | 13 |
| 9 | Man Utd | 8 | 4 | 1 | 3 | 11 | 12 | -1 | 13 |
| 10 | Brighton | 8 | 3 | 3 | 2 | 12 | 11 | +1 | 12 |
| 11 | Aston Villa | 8 | 3 | 3 | 2 | 8 | 8 | 0 | 12 |
| 12 | Everton | 8 | 3 | 2 | 3 | 9 | 9 | 0 | 11 |
| 13 | Brentford | 8 | 3 | 1 | 4 | 11 | 12 | -1 | 10 |
| 14 | Newcastle | 8 | 2 | 3 | 3 | 7 | 7 | 0 | 9 |
| 15 | Fulham | 8 | 2 | 2 | 4 | 8 | 12 | -4 | 8 |
| 16 | Leeds | 8 | 2 | 2 | 4 | 7 | 13 | -6 | 8 |
| 17 | Burnley | 8 | 2 | 1 | 5 | 9 | 15 | -6 | 7 |
| 18 | Nott. Forest | 8 | 1 | 2 | 5 | 5 | 15 | -10 | 5 |
| 19 | West Ham | 8 | 1 | 1 | 6 | 6 | 18 | -12 | 4 |
| 20 | Wolves | 8 | 0 | 2 | 6 | 5 | 16 | -11 | 2 |
Athugasemdir
