Dietmar Hamann er allt annað en hrifinn af því hvernig undirbúningur Borussia Dortmund var fyrir gífurlega mikilvægan leik gegn Eintracht Frankfurt í gær.

Erling Braut Haaland er einn mest spennandi leikmaður heims og margir velta því fyrir sér hvert hans næsta skref verður eftir Dortmund. Hamann, sem er fyrrum leikmaður Liverpool og Bayern Munchen tjáði sig við Sky Germany.

Hann furðar sig á, og gagnrýnir harkalega, að Dortmund hafi gefið þeim Alf Inge, pabba Erlings, og Mino Raiola, umboðsmanni Erlings, leyfi til að fara til Spánar til að ræða við Barcelona.

„Þeir [hjá Dortmund] ætla ekki að tækla þessa hegðun af því þeir eru hræddir um að gera leikmanninn reiðan. Dortmund ætti að hugsa hvers vegna leikmenn leika sér með félagið. Það vantar leiðtoga hjá félaginu."

„Ég á ekki orð yfir hegðun þeirra Alf Inge og Raiola, vanvirðing og ósvífni að gera þetta. Ef hann vill fara, leyfið honum að fara."

Talið er að Dortmund vilji að það verði verðstríð um Haaland og mun félagið ekki samþykkja tilboð á undir 100 milljónir punda. Manchester City, Chelsea, Real Madrid og Barcelona eru þau félög sem oftast eru nefnd sem næsta félag Erlings á ferlinum.

Dortmund tapaði gegn Eintracht Frankfurt í gær og verður brekka að ná Meistaradeildarsæti úr þessu.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit