Árni Freyr Guðnason, þjálfari ÍR.
„Þetta er geggjaður sigur. Eftir smá bras í fyrri hálfleik, þá tókum við algjörlega yfir seinni hálfleikinn. Við áttum þetta svo sannarlega skilið," sagði Árni Freyr Guðnason, þjálfari ÍR, eftir 3-0 sigur gegn Aftureldingu í Lengjudeildinni í kvöld.
„Við vorum mjög öflugir varnarlega í fyrri hálfleik. Ég held að þeir hafi ekki fengið færi í leiknum. Við vorum eftir á í návígum en þegar við löguðum það, þá tókum við öll völd á vellinum. Við erum beinskeyttir og hættulegir þegar við sækjum hratt."
„Við vorum mjög öflugir varnarlega í fyrri hálfleik. Ég held að þeir hafi ekki fengið færi í leiknum. Við vorum eftir á í návígum en þegar við löguðum það, þá tókum við öll völd á vellinum. Við erum beinskeyttir og hættulegir þegar við sækjum hratt."
Lestu um leikinn: ÍR 3 - 0 Afturelding
Afturelding er með ansi öflugt lið en ÍR-ingar hafa sýnt það í sumar að þeir eru býsna góðir.
„Við erum líka bara helvíti góðir. Deildin er þannig að allir geta unnið alla. Það benti ekkert til þess í hálfleik að þetta væri 3-0 en við lögðum meira í þetta og náðum í sigurinn. Það eru margir mjög efnilegir og ungir strákar í liðinu sem eru að taka sín fyrstu skref í þessari deild. Framtíðin er þeirra og við erum mjög stoltir af því að geta nánast verið sama lið og fór upp í fyrra. Við vorum ekki að skipta um lið eins og einhver lið hafa verið að gera. Við erum ánægðir með þessa vegferð sem við erum á."
ÍR var síðast í efstu deild karla 1998 en menn geta nú alveg leyft sér að dreyma núna. Það er ókeypis. ÍR er í fimmta sæti deildarinnar eftir leiki kvöldsins.
„Ég var í fjögur ár hérna sem leikmaður og við vorum einu sinni nálægt því. Að sjálfsögðu látum við okkur dreyma en við erum alveg á jörðinni."
Hægt er að sjá allt viðtalið í spilaranum hér að ofan.
Athugasemdir
