Jóhannes Karl Guðjónsson, þjálfari ÍA.
„Mér líður ílla. Þetta er virkilega svekkjandi og sérstaklega hvernig fyrri hálfleikurinn fór hjá okkur."
„Við ætluðum að mæta mikið grimmari inn í þennan leik og vissum að Stjarnan myndi vera svolítið direct og setja mikið af löngum boltum upp á Emil (Atlason) sem varð raunin. Þeir gjörsamlega jörðuðu okkur sem mér fannst vera barátta inn á miðjunni um seinni boltana og annað og þar töpuðum við leiknum."
„Við ætluðum að mæta mikið grimmari inn í þennan leik og vissum að Stjarnan myndi vera svolítið direct og setja mikið af löngum boltum upp á Emil (Atlason) sem varð raunin. Þeir gjörsamlega jörðuðu okkur sem mér fannst vera barátta inn á miðjunni um seinni boltana og annað og þar töpuðum við leiknum."
Lestu um leikinn: Stjarnan 4 - 0 ÍA
Skagamenn fengu mark á sig eftir aðeins fimm mínutna leik og var Jóhannes Karl spurður hvort það hafi verið stress í leikmannahópnum eða hvað orsakaði þessa byrjun hjá liðinu.
„Mér fannst þetta var pínu heppni en aðdragandinn af markinu er kannski einbeitingarleysi í okkur og ekki nógu ákefð og ekki nógu mikil grimmd í að verja vítateiginn okkur betur og það hefur verið vandamál hjá okkur"
Ísak Snær Þorvaldsson var í leikbanni í kvöld og það sýndi sig á vellinum í kvöld að liðið saknaði hans.
„Ísak er hörku öflugur leikmaður og góður í fótbolta og við söknuðum hans klárlega í dag."
ÍA er á botni deildarinnar en liðið er með níu stig á botni deildarinnar og þarf liðið á kraftaverki að halda til að halda sæti sínu í deildinni.
„Já auðvitað mikil vonbrigði hérna í dag en við þurfum að jafna okkur á því sem fyrst því það er mjög mikilvægur leikur á Sunnudaginn heima á móti HK og við erum bara komnir þannig stöðu að við verðum að vinna þann leik og við þurfum bara að sjá hvaða menn ætli að stíga upp og hverjir ætla að vera tilbúnir að mæta út á völlinn á móti HK."
Viðtalið í heild sinni má sjá í sjónvarpinu hér að ofan.
