„Ég er stolltur af vinnuframlaginu fyrst og fremst og svo er náttúrulega súrt að ná ekki að sjá út þessar átta mínútur í uppbótartíma en ég er bara stolttur af liðinu." sagði Andri Rúnar Bjarnarson svekktur eftir 2-2 jafnteflið gegn Víkingum frá Reykjavík í Víkinni í dag.
Lestu um leikinn: Víkingur R. 2 - 2 ÍBV
„Mér fannst við byrja frábærlega og það gengur allt upp sem við lögðum upp með og þeir eiga að vera manni færri og 2-0 undir þá ætti þetta að vera okkur leikur en eins og allir með augu sjá þá var það ekki sem þeir þrír sáu sem er ógeðslega svekkjandi. Við fáum rautt spjald í andlitið og við verðum að taka þessu stigi hérna."
Andri Rúnar Bjarnason var ekki sáttur með að Pétur Guðmundsson hafi ekki rekið Halldór Smára Sigurðsson af velli snemma í fyrri hálfleik.
„Ef maður er með opið mark fyrir framan sig að rúlla boltanum í netið og maður rífur hann viljandi niður, ef það er ekki rautt spjald í reglunum, þá veit ég ekki hvernig fangelsisbolta við erum að spila hérna, þetta er ótrúlegt."
Viðtalið í heild sinni má sjá í sjónvarpinu hér að ofan.
