Davíð Smári með bikarinn nýja sem gefinn er sigurvegurum umspilsins í Lengjudeildinni.
Það var opinberað á mánudag að Davíð Smári Lamude er þjálfari ársins í Lengjudeild karla. Hann stýrði Vestra upp í Bestu deildina í gegnum nýju umspilskeppnina.
Davíð var ráðinn þjálfari Vestra fyrir tímabilið en hann hefur farið upp í allar deildir á þjálfaraferli sínum sem er þó ekki langur. Hann hefur sýnt hversu fær þjálfari hann er, en margir vilja þó stimpla hann af fortíð hans.
Davíð var ráðinn þjálfari Vestra fyrir tímabilið en hann hefur farið upp í allar deildir á þjálfaraferli sínum sem er þó ekki langur. Hann hefur sýnt hversu fær þjálfari hann er, en margir vilja þó stimpla hann af fortíð hans.
Davíð Smári hefur hlotið nokkra dóma fyrir líkamsárásir í gegnum tíðina og var spurður að því í viðtali við Stöð 2 hvort honum þætti erfitt að hreinsa fortíðina og fá virðingu sem fótboltaþjálfari?
„Ef ég á að vera mjög einlægur að svara þessu þá er það bara það sem gefur mér eldsneyti til þess að halda áfram. Að það séu einhverjar efasemdarraddir. Árangur minn sem þjálfari talar sínu máli. Öll þau verkefni sem ég tek að mér geri ég vel," segir Davíð.
„Ég er mjög stoltur af þeirri vinnu sem ég skila af mér. Það truflar mig alls ekki að það séu einhverjir sem eru ekki vissir með mig og mína fortíð. Ég var ungur og vitlaus, það er enginn að reyna fela það. Ég er bara sá sem ég er í dag og er stoltur af því. Fortíðin er að baki fyrir mér."
Í viðtalinu segist Davíð vera kröfuharður þjálfari með sterka sýn á leikinn.
„Mínir leikmenn vita sín hlutverk og vita að ef ég sé það ekki koma frá þeim þá spila þeir ekki marga leiki fyrir mig," segir Davíð í viðtalinu við Stöð 2.
Athugasemdir
