Dagný Brynjarsdóttir
Dagný hefur spilað vel í Bandaríkjunum.
Dagný Brynjarsdóttir, landsliðskona og leikmaður Portland Thorns í Bandaríkjunum var í spjalli við Tómas Þór Þórðarson og Benedikt Bóas Hinriksson í Fótbolta.net þættinum á X-inu.
Hún var þá á leiðinni í flug frá Glasgow til Íslands en eins og flestir vita, vann Ísland glæstan sigur á Skotum í undakeppni EM sem fram fer í Hollandi. Lokatölur urðu 4-0, í frábærum leik.
Ísland þarf því aðeins að vinna Makedóníu á þriðjudag, til að tryggja sér sæti í lokakeppni Evrópumótsins.
Hún segir það hafa verið ansi gaman að spila leikinn gegn Skotum.
Hún var þá á leiðinni í flug frá Glasgow til Íslands en eins og flestir vita, vann Ísland glæstan sigur á Skotum í undakeppni EM sem fram fer í Hollandi. Lokatölur urðu 4-0, í frábærum leik.
Ísland þarf því aðeins að vinna Makedóníu á þriðjudag, til að tryggja sér sæti í lokakeppni Evrópumótsins.
Hún segir það hafa verið ansi gaman að spila leikinn gegn Skotum.
„Þetta var ógeðslega gaman, við erum búnar að vera saman í nokkur ár og við erum alltaf að verða betri og betri. Við erum orðnar svona ógeðslega góðar."
Hún hrósar þjálfaranum, Frey Alexandersyni ásamt öðrum í liðinu.
„Freysi og staffið yfir höfuð er búið að gera frábæra hluti með að leikgreina og skipuleggja okkur, við erum orðnar rosalega sterkar sem liðsheild varnarlega. Út frá því höfum við verið að bæta sóknarleikinn. Nú virðist þetta allt vera að smella."
Skotar voru með einhver leiðindi fyrir leikinn og ætluðu að fara í eitthvað sálfræði stríð við íslenska liðið. Dagný sagði að það hafi aðeins gert Íslenska liðinu gott.
„Ef það er eitthvað þá var þetta bara að mótívera okkur og við vorum tilbúnar."
Hún segist vera spennt fyrir leiknum á móti Makedóníu og ætlar liðið sér ekkert annað en sigur.
„Við stefnum klárlega á það og vonum til að fólk fjölmenni í stúkunni og geri þetta með okkur og ég vona sem flestir hafa verið að horfa til að sjá hvað við erum góðar."
Viðtalið má heyra í heild sinni í spilaranum hér að ofan.
