Veggur í viðræðum Man Utd um Mbeumo - Chelsea vill Rogers - Ekitike og Isak sápuóperan heldur áfram
Brynjar ræðir hlutverk sitt hjá Víkingi - „Þetta hefur verið góð reynsla"
"Hart barist og mikið hlaupið"
Sigurður Pétur: Tindastóll klárlega draumaandstæðingur
Jón Arnar: Ætli ég hafi ekki bara sprungið?
Veigar Páll: Við erum einu skrefi nær Laugardalsvelli
Arnar Grétars: Lið sem á að vera að keppa um að fara upp
Ekroth: Eitthvað sem við höfum rætt og erum sammála um
Sölvi Geir: Ef ég fæ að ráða þá fer hann ekkert annað
Óðinn Sæbjörns: Gríðarlega stoltur af strákunum
Ágúst Orri: Langbestu stuðningsmenn á Íslandi
Höskuldur: Ákváðum að bjóða þá velkomna í hakkavélina
„Einsdæmi í Evrópu að vera með alla þessa uppöldu leikmenn"
Rúnar Páll: Frekar rólegur leikur
Árni Marínó: Einhver örvænting þessir boltar hjá þeim
Lárus Orri: Förum ekki á útivöll og óskum eftir því að fá svart gúmmí í gervigrasið
Áhyggjulaus þrátt fyrir tvö töp í röð - „Skagamenn verða að eiga það við sjálfa sig“
Alex Freyr: Viljum enda í topp 6
Jökull: Vorum hægir og fyrirsjáanlegir
Spenntur fyrir nýjum leikmanni sem verður kynntur á morgun
Höskuldur: Verður allt annar leikur hér á Kópavogsvelli
   lau 05. júlí 2025 19:26
Jóhann Þór Hólmgrímsson
Davíð Smári ósáttur með stóra ákvörðun - „Ofboðslega sorglegt"
Mynd: Fótbolti.net - Hafliði Breiðfjörð
„Ég er heilt yfir nokkuð ánægður með spilamennskuna. Mér fannst við ekki alveg nægilega góðir á boltann í fyrri hálfleik en samt fínn hálfleikur heilt yfir. En frábær seinni hálfleikur. Það er það sem við þurfum að taka út úr þessum leik," sagði Davíð Smári Lamude, þjálfari Vestra, eftir tap gegn Val á Ísafirði í dag.

Lestu um leikinn: Vestri 0 -  2 Valur

„Það lýsir sér best í því að ef dómarinn dæmir aukaspyrnu á Cafu þá á hann auðvitað að fá gult spjald fyrir dýfu. Þetta er bara rangur dómur og ekki sá eini í dag. Mikið af litlum brotum sem virtust fara svolítið í hina áttina," sagði Davíð Smári.

„Svo er það þetta stóra atvik sem kemur okkur í 1-1 stöðu, það er ofboðslega sorglegt. Það er bara einu sinni þannig að við vissum það farandi inn í tímabilið, sérstaklega gegn liði eins og Val sem er með stóra og langa sögu að þá er oft svona sjálfkrafa. Við þurfum bara að vera gíraðir í það, höfum rætt það síðan í janúar að við þurfum að hafa mikið fyrir hlutunum," sagði Davíð Smári.

Næsti leikur Vestra er gegn Fram í undanúrslitum Mjólkurbikarsins eftir slétta viku. Fari liðið áfram verður Valur einmitt andstæðingurinn í úrslitum. Davíð Smári var með ákall til stuðningsmanna Vestra.

„Það er ný keppni, við höfum unnið gríðarlega hart að því að koma okkur þangað, unnið stóra sigra gegn sterkum andstæðingum. Eins ákall til stuðningsmanna að styðja okkur í blíðu og stríðu, setja smá standard þar."

„Við þurfum að troðfylla stúkna, þurfum á öllum að halda. Við erum ein heild. Stuðningsmenn voru að kalla eftir betri frammistöðu gegn Val í dag, ég heyrði það úr stúkunni og það gleður mig. Við erum komnir það langt að stuðningsmenn Vestra eru farnir að krefjast þess að við vinnum Val og það gleður mig. Það veitir manni stollt að við erum komnir alla leið þangað. Ég held að hljóti að gefa líka leikmönnum kraft að það eru kröfurnar," sagði Davíð Smári.
Athugasemdir
banner