Fótbolti.net

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

Cecilía Rán: Fannst við standa okkur ótrúlega vel

Óvænt í byrjunarliði Íslands - „Svo mikill heiður"

Steini Halldórs: Samkvæmt reglum á að stoppa leikinn

Jói Bjarna: Auðvitað finnst mér þetta erfitt og skrítið

Glódís Perla: Ef við viljum vera áfram í hæsta gæðaflokki þá verðum við að setja fjármagn í þetta

Guðrún: Komið alveg hálft ár síðan við hittumst síðast

Steini landsliðsþjálfari: Trú og hugrekki gegn heimsmeisturunum

Hlín Eiríks: Við leikmenn hefðum viljað hafa verkefni í síðasta glugga

mán 05. júní 2023 22:56

Elvar Geir Magnússon

Dóri Árna: Gott að vita að það er til nóg af hetjum á lyklaborðinu

Mynd: Fótbolti.net - Hafliði Breiðfjörð

Breiðablik tryggði sér sigur gegn FH með tveimur mörkum í uppbótartíma í 8-liða úrslitum Mjólkurbikarsins í kvöld, 3-1 endaði leikurinn.

Það tók smá tíma fyrir Blika að finna taktinn en öflug innkoma varamanna og færslur hjá mönnum gerðu það að verkum að Kópavogsliðið kom til baka og er komið í undanúrslit.

Lestu um leikinn: Breiðablik 3 - 1 FH

„Við vorum mjög daufir í fyrri hálfleik, ekki nægilega aggressífir. Við gerðum breytingar í hálfleik og menn komu inn með kraft og áræðni. Seinni hálfleikurinn var góður og við bönkuðum verulega á dyrnar áður en við náðum að jafna," segir Halldór Árnason, aðstoðarþjálfari Breiðabliks.

Blikar gerðu alls sex breytingar á byrjunarliði sínu frá jafnteflinu gegn Víkingi.

„Við erum með stóran, breiðan og góðan hóp. Þegar það er svona stutt milli leikja verðum við að rótera hópnum, gefa mönnum hvíld og öðrum tækifæri."

Jason Daði Svanþórsson fór meiddur af velli í fyrri hálfleik. Meiðsli halda áfram að plaga þennan frábæra leikmann.

„Því miður er alltaf eitthvað að trufla hann, hvort sem það er hné, ökkli eða nári. Það reynist honum dýrmætt að fá hvíld í landsleikjapásunni en hann kemur vonandi öflugur til baka að henni lokinni."

Logi er algjör toppmaður
Það var ekki annað hægt en að nefna leikinn á föstudaginn, sem fólk er enn að ræða. Halldór var þar í eldlínunni en Logi Tómasson, leikmaður Víkings, fékk rautt spjald fyrir að hrinda honum. Einhverjir hafa sakað Halldór um leikaraskap þegar hann féll til jarðar.

„Það eru miklar tilfinningar og þetta eru tvö lið sem hafa verið að berjast um titlana síðustu ár, það hafa myndast rimmur. Logi er algjör toppmaður og við erum ekki að kalla eftir frekara banni á hann. Hann gerir mistök og fær rautt spjald og það er eins og það er, hann fær væntanlega einn leik," segir Halldór.

„Það er allavega gott til þess að vita það er til nóg af hetjum á lyklaborðinu sem vita hvernig það eigi að bera sig að þegar manni er ýtt."

Hefur hann rætt við Loga eftir atvikið?

„Já bara stuttlega, við erum bara mjög góðir og ekkert vesen þar á milli."