Það vakti athygli í gær þegar Jón Kristinn Elíasson byrjaði í marki ÍBV þegar liðið mætti Víkingi í Bestu deildinni. Guðjón Orri Sigurjónsson hefur varið mark ÍBV frá því snemma móts en hann var á bekknum í gær.
Guðjón kom þó inn eftir 40 mínútna leik þar sem Jón Kristinn fékk að líta beint rautt spjald fyrir brot á Loga Tómassyni.
Guðjón kom þó inn eftir 40 mínútna leik þar sem Jón Kristinn fékk að líta beint rautt spjald fyrir brot á Loga Tómassyni.
Lestu um leikinn: Víkingur R. 2 - 2 ÍBV
Hermann Hreiðarsson, þjálfari ÍBV, var spurður út í Guðjón eftir leik.
„Hann er búinn að vera tæpur hann Guðjón, fór í sprautu og við ætluðum að reyna láta hann ná sér 100%. En hann fékk bara smá pásu," sagði Hermann.
Guðjón er þrítugur og kom frá KR í vetur. Hann hefur leikið fimmtán leiki með ÍBV í Bestu deildinni. Það er það mesta sem hann hefur spilað á ferlinum í efstu deild en hann lék þrettán leiki sumarið 2015.
Athugasemdir