Valgeir Valgeirsson.
Valgeir Valgeirsson gekk fyrr í kvöld í raðir Brentford á Englandi á lánsamningi frá HK sem gildir út tímabilið. Brentford hefur forkaupsrétt á honum eftir að láninu lýkur.
Valgeir, sem er 18 ára, getur bæði spilað sem hægri bakvörður og hægri kantur. Hann hefur lykilmaður í liði HK í Pepsi Max-deildinni.
Brentford tapaði úrslitaleik umspils Championship deildarinnar í fyrra og mun Valgeir spila fyrir B-lið félagsins, líkt og Patrik Sigurður Gunnarsson hefur gert undanfarin ár. Patrik er í dag markvörður Viborg í Danmörku, að láni frá Brentford.
Valgeir segir í samtali við Morgunblaðið að valið hafi staðið á milli tveggja félaga. Hitt félagið var Venezia á Ítalíu sem er orðið mikið Íslendingafélag.
„Mér fannst Brentford sýna mér meiri áhuga og þeir gerðu meira til þess að fá mig. Þeir hafa fylgst með mér síðan í janúar og þeir lögðu meira kappa á að fá mig. Eins þá fannst mér Brentford henta mér betur sem næsta skref á mínum ferli," sagði Valgeir í viðtali við Morgunblaðið, en Bjarki Steinn Bjarkason og Óttar Magnús Karlsson sömdu nýverið við Venezia sem er í ítölsku B-deildinni.
Valgeir mun spila með Brentford B, varaliði Brentford til að byrja með.
Sjá einnig:
Þjálfari Brentford: Valgeir mun smellpassa í hópinn
Athugasemdir
