Sumir eru bara góðir í öllu og svo virðist sem það megi flokka Brasilíumanninn Dani Alves sem þannig manneskju.
Alves átti mjög farsælan feril í Evrópu sem hægri bakvörður, en bestu ár hans voru með Barcelona. Hann lék einnig fyrir Sevilla, Juventus og Paris Saint-Germain í Evrópu.
Árið 2019 sneri hann aftur heim til Brasilíu og gekk hann í raðir Sao Paulo. Þar hefur henn ekki leikið sem hægri bakvörður, heldur miðjumaður.
Hinn 37 ára gamli Alves er búinn að vera gríðarlega flottur á miðjunni í Brasilíu. Hann er ofarlega í tölfræðiþáttum, þar á meðal er hann efstur nákvæmum sendingum í leik, og í þriðja sæti í lykilsendingum í leik.
Þá er hann með hæstu meðaleinkunnina í sínu liði samkvæmt einkunnagjöf SofaScore, en Sao Paulo er á toppi brasilísku úrvalsdeildarinnar þessa stundina.
Þetta minnir eilítið á Philipp Lahm sem var magnaður hægri bakvörður allan sinn feril en endaði ferilinn sem stórkostlegur djúpur miðjumaður undir stjórn Pep Guardiola í Bayern.
37yo Dani Alves the box-to-box midfielder at São Paulo:
— Navid Molaaghaei (@navidjaaan) January 6, 2021
- SP's best performing player, league leaders
- 5th best performing player in Brazil
- 1st in accurate passes
- 3rd in key passes per game pic.twitter.com/QNlTQdecce
Athugasemdir