Scholes segir að Orri Steinn hafi breytt leiknum gegn Man Utd

Paul Scholes, fyrrum miðjumaður Man Utd og enska landsliðsins, starfar sem sérfræðingur hjá TNT og ræddi meðal annars um Orra Stein Óskarsson að leikslokum.

Orri Steinn, framherji Real Sociedad, kom inn af bekknum á 63. mínútu og klúðraði dauðafæri áður en hann átti góða marktilraun í uppbótartíma, sem André Onana varði meistaralega.

Scholes telur innkomu Orra af bekknum hafa breytt leiknum fyrir Sociedad og nefnir einnig Sheraldo Becker í því samhengi, en hann kom inn á 80. mínútu og sprengdi upp hraðann.

„Sóknarleikur Sociedad var frekar hægur þar til Becker og Óskarsson komu inn. Þeir breyttu leiknum," sagði Scholes meðal annars í útsendingu TNT Sports.