FH hefur staðfest samning við danska miðjumanninn Lasse Petry sem kemur frá HB Köge.
Petry, sem er 29 ára gamall, þekkir ágætlega til á Íslandi því hann lék með Val tímabilin 2019 og 2020 og varð Íslandsmeistari með Hlíðarendafélaginu seinna tímabilið.
Fyrra tímabilið lék hann undir stjórn Ólafs Jóhannessonar og Sigurbjörns Hreiðarssonar sem eru í dag þjálfarar FH.
FH er þegar búið að ganga frá kaupum á Davíð Snæ Jóhannssyni en hann kom frá ítalska félaginu Lecce í gær.
FH er með þrjú stig eftir þrjár umferðir í Bestu deildinni en liðið á leik gegn Val í kvöld klukkan 18 í Kaplakrika. Samkvæmt heimasíðu KSÍ er Petry ekki kominn með leikheimild fyrir leikinn.
Athugasemdir