„Þetta er bara tóm gleði," sagði Þorlákur Árnason þjálfari Þórs eftir sigur liðsins á Kórdrengjum í Boganum á Akureyri í kvöld.
Lestu um leikinn: Þór 1 - 0 Kórdrengir
„Við vorum eins og unglingar gegn fullorðnum mönnum til að byrja með en svo stækkuðum við eftir því sem leið á leikinn. Þetta hefði getað dottið báðu megin, hörku leikur en mér fannst við sækja þetta meira."
Þórsarar eru í uppbyggingu og mættu með ungt og óreynt byrjunarlið. Láki segir það enga afsökun.
„Hvolpasveitin eins og við köllum þá, það er engin afsökun að skýla sér á bakvið aldur, þeir eru ótrúlega góðir leikmenn."
„Kórdrengir voru betri spilalega séð en ég átti von á, flott fótboltalið og rosalega góð holning á þeim. Við fórum mjög óvissir inní þetta aðallega vegna þess að við erum með svo marga leikmenn sem eru að byrja mótið sem byrjuðu ekki í fyrra, það eru bara þrír leikmenn sem byrjuðu í dag sem byrjuðu leik í fyrra," sagði Þorlákur.
Viðtalið í heild sinni má sjá í spilaranum að ofan.
